Apache (arm-dorn)
Evit implijoù all, gwelet Apache (disheñvelout).
| Apache (arm-dorn) | |
|---|---|
 Ur revolver Apache savet gant Louis Dolne-Bar e Liège e 1875 | |
| Kinnig | |
| Bro orin |  Belgia
|
| Doare | Revolver daou-ober nemetken hep kanol ebet, pourveziet gant kartouchennoù brochennet |
| Kalibroù | 7 mm Lefaucheux 5 mm Lefaucheux |
| Saver | Louis Dolne (patromoù (kentañ), bet kopiet gant kalz atalieroù e Liège |
| Mare krouidigezh | 1869 - 1870 |
| Mare produiñ | 1870 - dibenn an XIXvet kantved |
| Pouez ha muzulioù (arm produet gant Dolne-Bar) | |
| Pouez | 0,385 kg |
| Hirder (pleget) | 105 mm |
| Hirder (dibleget) | 200 mm |
| Perzhioù teknikel | |
| Mont en-dro | Revolver daou-ober nemetken, dezhañ ur gontell hag un dorn amerikan |
| Endalc'h | Taboulin 6 tenn |
| Lezenn | |
| Rummad e Bro-C'hall | ? |
An Apache zo un doare armoù-dorn produet e dibenn an XIXvet kantved, dezhe un daboulin kambret evit kartouchennoù brochennet, un dorn amerikan hag ur vaionetez vihan plegus[1].
Istor
[kemmañ | kemmañ ar vammenn]An Apache kentañ a voe brevedet gant Louis Dolne-Bar, armeurer e Liège (Belgia) e 1869 ha 1870[2]. N'eus kanol ebet dezhañ. Ar boledoù a vez tennet eus ar gambr war-eeun[3]. Implijout a ra kartouchennoù brochennet 7 mm. An dornell a zo un dorn amerikan plegus. E penn all an arm e kaver ur gontell, hag a c'haller plegañ ivez. An draen daou-ober nemetken n'eo ket gwarezet gant pontig ebet.
Kopiet e voe kalzig an arm e atalieroù Liège ha Belgia e dibenn an XIXvet kantved. Stummoù gall a gaver ivez. An hini brudetañ anezhe eo an Apache Delhaxhe, savet diwar ar memes patrom met kambret evit kartouchennoù 6 mm[1].
Un arm-tan diresis eo, met efedus eo da hedoù-tenn berr-tre. Aes eo da guzhat en ur c'hodell. Savet eo bet evit an emgannoù-straed[3]. Implijet e vije bet gant gangoù gall e dibenn an XIXvet ha deroù an XXvet evel an Apaches e Pariz[4].
Daveennoù
[kemmañ | kemmañ ar vammenn]- ↑ 1,0 ha1,1 (en) MC COLLUM Ian, Delhaxhe “Apache”: The Other French Knife-Knuckle-Gun, Forgotten Weapons, 17/01/2022 (lennet d'an 13/09/2024)
- ↑ (en) DOLNE (Apache) war Littlegun.be (lennet d'an 13/09/2024)
- ↑ 3,0 ha3,1 (fr) Mc NAB Chris, Armes à feu Encyclopédie visuelle, L'Imprévu, 2022, p. 63
- ↑ (fr) Les armes des apaches parisiens war Gang de Paris, 08/02/2021 (lennet d'an 13/09/2024)
