Pruvincia
Pruvincia è 'o nomme ca se nzigna de soleto 'a na entità guvernativa subnazziunale. 'A definizione pricisa d’’e fforme e d’’e putere 'e na pruvincia cagna a seconna d’’e nazziune. Sempe a seconna d’’e nazziune 'o termene "pruvincia" vene sustituito cu ate termene: "distretto", "dipartimento", "stato", "reggione", "cuntea", eccetera.
'O termene piglie origgine d’’o llatino pruvincia, provinciae, ca letteralmente significa "zona d'infruenza". 'E pruvince, pe ll'antica Romma, erano nfatte 'e territure cunquistate, sottoposte ô dumminio d’’o Mpero e nun avente deritto â civitas rummana.