Feudismo

Feudismo esis kolektajo di legala e militarala kustumi qua prosperis dum mez-epoko en Europa, de 9ma til 15ma yarcento. Ta sistemo organizis socio cirkum la proprieto di tereni. Quankam derivita de latina vorto feodum (feudo) la vorto e la konceptajo di "feudismo" ne existis dum mez-epoko. "Feudismo" deskriptas politika sistemo ube existis serio di reciproka militarala e legala obligesi meze militista nobelesi ed inter nobelesi e monarki.

Feudismo esas sistemo de servi facenda da dependanti por sinioro interkambiante protekto e manteno (maxim ofte en formo de tereno). Che l’elito la feudismo esas kontrato inter du personi, ube un kom ‘vasalo’ facis “vasaleso” a la sinioro e facis juro de loyaleso; pos qua la sinioro solene transdonis la feudo a la vasalo. Ca kontrato kustumale facis inter liberi e principe esis personal e reciproke ruptebla.

Hodie

Prezente on uzas la vorto feudismo por indikar ke ulo esas tre obsoleta.