歌舞表演

臺上載歌載舞，臺下飲飲食食

一八九三年，紅磨坊一場景

歌舞廳

歌舞表演，表演一種，講喺歌舞廳表演，喺舞臺上面。歌舞廳可以喺酒館、酒店、賭場、酒樓、餐廳、夜總會咁。表演有音樂、唱歌、跳舞、背誦同埋做戲等等，形式好多。臺下人人坐喺度睇，食緊嘢，飲緊酒咁。表演有司儀主持。

初初喺十五世紀法國巴黎有，法文名cabaret亦即旅館咁意思，隻字由荷蘭嗰便來，但亦有後期拉丁文根據。當時做到同一般旅館唔同，張張檯舖檯布，嘢食逐碟收錢，顯得高級一啲，而初時並唔着重娛樂。十八世紀變成娛樂地，作家、戲人、藝術等人，都聚集喺度。有人奏、有人唱、有人表演魔術。

一八八九年，紅磨坊開，就開創咗肯肯舞，成為歌舞表演之一。

歌舞表演後尾推到世界都有。