O dinamismo urbanístico e empresarial do parque empresarial do Novo Milladoiro (Ames) está en auxe. Proba disto é aposta en funcionamento do novo hotel B&B que está situado na confluencia das rúa Palmeiras e Buxo e conta con 82 habitacións (dobres matrimoniais, dobres plus e dobres con dúas camas), todas climatizadas. 

Vivienda, empleo y calidad de vida serán las prioridades del Concello de Ames en 2025

O alcalde, Blas García; o concelleiro de Urbanismo, Víctor Fernández; e a técnica de Turismo, Sonia Moure, visitaron o establecemento invitados polo seu director, Juan Manuel Docampo. 

Docampo resaltou a importancia da localización do hotel, que permite crear sinerxías co resto de empresas do parque empresarial, e explicou que un gran nicho de negocio é o dos peregrinos que veñen de facer o Camiño Portugués, «que atopan no B&B unha opción con boas prestacións e a un prezo razoable para o último descanso antes de chegar a Compostela».

O alcalde destacou a proposta turística sostible de Ames, que «ofrece varias rutas de sendeirismo, vinculadas aos ríos Sar e Tambre, para que os visitantes aposten por un ecoturismo saudable», xunto coas relacionadas co Camiño de Santiago. «Ames é o único concello de España, quitando Compostela, loxicamente, por onde pasan tres rutas do Camiño», dixo.

Ademais, o rexedor sinalou que «a dinamización económica e o desenvolvemento de actividades produtivas que impulsen a economía local son unha prioridade para este equipo de goberno».

Neste senso, asegurou que «a posta en funcionamento do B&B Hotel Milladoiro «é unha boa nova para o concello, xa que amplía o servizo de aloxamento no municipio e supón un importante impulso económico para Ames».

O hotel atópase preto do Albergue Milladoiro, ampliando o servizo de aloxamento no principal núcleo do concello. Ambos establecementos están a poucos metros do Camiño Portugués.