▲'''Yerevan''' (1936 y.gacha ''Erivan'') — Armaniston Respublikasi poytaxti. Armanistonning maʼmuriy, madaniy va ilmiy markazi. [[Ararat]] tekisligining shim. chekkasida, [[Razdan]] daryosi (Arakening chap irmogʻi) boʻyida. Iqlimi keskin kontinental. Yozi quruq va issiq, qishi qisqa, sovuq. Avg .ning oʻrtacha t-rasi 24,8°, yanv. niki —4,2°. Yiliga 320—350 mm yogʻin yogʻadi. Aholisi 1249 ming kishi (1995). Arxeologik qazishlarda topilgan mixxatli tosh boʻlagidan maʼlum boʻlishicha, [[Urartu]] podshosi [[Argishti I]] mil. av. 782 y.da [[Erebuni]] qalʼasini qurdirgan (shahar nomi ham shundan). Oʻsha qalʼa yonida hoz. Ye. vujudga kelgan. 13-a. oʻrtalaridan siyosiy va iqtisodiy mavqei orta borgan. 1604 y. Ye.ni [[Eron]] shohi [[Abbos I]] qoʻshinlari egallaganidan keyin shahar Yerevan xonligining markaziga aylandi. 17-a.da Ye. yirik karvon savdosi va hunarmandchilik markazlaridan biri. Rossiya-Eron urushi (1826—28)dan soʻng Ye.ni 1827 y. 1 okt.da rus qoʻshinlari egalladi va Turkmanchoy shartnomasi (1828)ga binoan Ye. Rossiyaga oʻtdi. 1828—40 y.larda Ye. Armaniston viloyati markazi, soʻng uyezd shahri, 1849 y.dan Erivan gubernyasi markazi. Ye.ning Aleksandropol (hoz. [[Gyumri]]) t. y. orqali [[Tbilisi]] (1902) va [[Julfa]] (1908) b-n bogʻlanishi shaharning iqtisodiy jihatdan rivojlanishiga olib keldi.

▲Eerevanda 1920 y. 29 noyabrda shoʻrolar hokimiyati oʻrnatildi. 1921 y. 2 apr.da Ye. Armaniston SSR poytaxti deb eʼlon qilindi. 1991 y. avg .da sovetlar hokimiyati barham topgach, oʻsha yilning 24 sent.dan Ye. mustaqil Armanistonning poytaxti boʻldi.

▲Eerevan — Armanistonning muhim sanoat markazi. Mashinasozlik, kimyo va neft kimyosi, oziq-ovqat, yengil sanoat, mashinasozlik (elektronika sanoati va b.), kimyo va neft kimyosi (plastmassa, kimyoviy tola va reaktivlar, shina va b.) sanoatlari taraqqiy etgan. Sintetik kauchuk k-ti, "Polivinilatsetat", "Plastik", lak-boʻyoq z-dlari, farmatsevtika korxonasi, issiqlik elektr st-yasi mavjud. Asosiy oziq-ovqat sanoati korxonalari — vino, goʻsht, yogʻ-moy, eksperimental tamaki k-tlari, konyak, shampan vinolari, konserva z-dlari, yengil sanoat korxonalari — ipak va kamvol k-tlari, movut, trikotaj, ip, qoʻlqop, tikuvchilik, gilam, koʻn poyabzal f-kalari, kurilish materiallari korxonalari mavjud. Alyuminiy ishlab chiqariladi. Ye. — Armanistonning muxim transport tuguni. Tbilisi, Boku va Sevan b-n t. y. liniyalari orqali bogʻlangan. Avtomobil yoʻllari tuguni. 2 aeroport, metropoliten (1981 y.dan), telemarkaz (1956 y.dan) bor.

▲{{manbalar}}