Chiesa Cattòlica Rumana

A Crèsia Cattòlica Rumana è n'urganizzazziuni riliggiusa ca si pruponi di diffùnniri u missaggiu, i pricetti e i raccumannazziuna 'n capu â vita, sicunnu â riliggiuni cristiana.

S. Petru a Roma, centru spirituali dû cattolicèsimu.

Ntra tutti l'urganizzazziuna ca si òccupunu dâ diffusiuni dâ riliggiuni cristiana, a Crèsia Cattòlica Rumana è chiḍḍa cq àvi cchiù sicutura. Autri cunfussiuna cristiani – comu ô prutistantìsimu – u Cristianìsimu artudossu si sipararu dâ Crèsia Rumana nni èbbichi stòrichi diversi e pi mutivi duttrinali duvuti a diffirenti viduti dâ jirarchìa di tannu cu riguardu a l'intrappritazziuna dû missaggiu dû Signuri.

U seggiu di la Crèsia Cattòlica Rumana si trova a Roma, ntâ cità dû Vaticanu, e l'urganizzazziuni jiràrchica fa capu â figura dû Papa, ca a stu mumentu èni u Papa Franciscu. A càrrica dû Papa è na càrrica vitalizzia, nfatti quannu un Papa mori tutti i cardinali si jùncinu ô Vaticanu, intra â cappeḍḍa Sistina, affriscata di Michilàncilu, pi aḍḍìjiri a mmucciuni u novu Papa, di ḍḍocu vedi u dittu "mortu un Papa si nni fa n'autru" ca sta a significari u fattu ca u Papa cc'è sempri, e macari quannu iḍḍu mori sùbbitu doppu n'autru Papa pigghia u cumannu dâ Crèsia.

Orìggini

La difinizziuni e l'organizzazziuni ccrisiàstica canusciuta comu Chiesa Cattòlica Rumana nasci doppu dû 1054 quannu lu Papa di Roma Liuni IX fu scumunicatu dâ Chiesa Cattòlica (grecu: katholikos = universali), ca di tannu si dici Chiesa Cattòlica Ortudossa (dû grecu ortho = giusta, e dossia = fedi, duttrina), p'aviri arbitrariamenti agghiuntu la parola "filoque" (latinu = e dû figghiu) ô Credu e accussì canciatu la duttrina origginaria stabbilita dû Cunciliu di Niceni.

Nta li sèculi la Chiesa Cattòlica Rumana agghiunci â dottrina cristiana àutri dogmi, santi e ntirpritazziuni ca nun sunnu accittati di l'àutri cattòlici ortudossi, rinnennu sempri cchiù diffìcili li pussibbilità di junciri a n'accordu.

separatore

Riliggiuni

Ateismu - Agnosticismu - Monoteismu - Politeismu - Enoteismu - Panteismu - Animismu Buddismu | Cunfucianismu | Cristianèsimu | Ebbraismu | Giainismu | Innuismu | Islam | Shintuismu | Tauismu | Zoruastrismu

Diu - testi sacri - cleru - eresia - mituluggia - lista di divinitati