Brëtagna

La Brëtagna (an fransèis: Bretagne; an breton: Breizh; an gallo: Bertaèyn) a l'é un-a dle 13 Region ch'a formo la Fransa metropolitan-a. A l'é formà da gran part dël teritòri dl'antica provinsa e ducà 'd Brëtagna. A l'ha na surfassa ëd 27.208 km2 e a conta anviron 3.081.000 abitant. La Brëtagna a l'é partagià an quatr dipartiment: 22 : Côtes-d'Armor 29 : Finistère 35 : Ille-et-Vilaine 56 : Morbihan La capital a l'é Rennes. Geografìa La Brëtagna a l'é na penìsola al nòrd-òvest ëd la Fransa. A l'é bagnà da l'Océan Atlàntich a nòrd (Canal dla Mania), a òvest e a sud. A confin-a a nòrd-est con la Normandìa e a sud-est con ij Pais ëd la Lòira. A l'é caraterisà da un clima fòrt oceànich. Stòria Sò nòm antich a l'era Armorique. A fa part ëd la Fransa dal 1491, ann ch'a l'é portà an dòta da la duchëssa Ana 'd Brëtagna an mariand ël re 'd Fransa, Carl VIII. Lenga Cartej an fransèis e an breton a Quimper La lenga ufissial a l'é mach ël fransèis. La Fransa a arconòss pa gnun-a lenga ò dialèt regionaj ch'a sio. As deuvro, come lenghe regionaj: ël breton, na lenga dla famija sèltica, parlà ant l'òvest, come prima lenga, da 300.000 përson-e apopré; ël gallo (pronunsia: galò), na lenga romanza d'Oil parlà ant l'est dla Region da anviron 30.000 locutor. Contut che ste doe lenghe a gòdo dë gnun arconossiment ufissial, an Brëtagna a l'é belfé 'd trové 'd tilet e cartej bilengh a l'intrada dle comun-e, ant le stassion e via fòrt. Anliure esterne Sit istitussional Region fransèise Region ëd la Fransa Metropolitan-a (2016) Alvernia-Ròno-Alp • Àuta Fransa • Borgògna-Franca Contà • Brëtagna • Còrsica • Grand Est • Ìsola ëd Fransa • Neuva Aquitania • Normandìa • Ocitània • Pais ëd la Lòira • Provensa-Alp-Còsta Asura • Sènter-Val ëd la Lòira Region ëd la Fransa Metropolitan-a (1982-2015) Alsassia • Alvernia • Aquitania • Àuta Normandìa • Bassa Normandìa • Borgògna • Brëtagna • Champagne-Ardënne • Còrsica • Franca Contà • Ìsola ëd Fransa • Lengadòca-Rossijon • Limosin • Loren-a • Mesdì-Pirené • Nòrd-Pass ëd Calais • Pais ëd la Lòira • Picardìa • Poitou-Charentes • Provensa-Alp-Còsta Asura • Ròno-Alp • Sènter Region d'Oltramar Guadalupa • Gujan-a Fransèisa • Martinica • Mayotte • Réunion