Vincent de Beauvais

Vincent de Beauvais, en latín Vincentius Bellovacensis, nado cara a 1190 e finado arredor de 1264/1267, foi un frade da orde dos predicadores dominicos soado por escribir a enciclopedia Speculum Majus, moi empregada na Idade Media.

Vincent de Beauvais

Biografía
Nacemento	c. 1190 Boran-sur-Oise, Francia
Morte	1264 (73/74 anos) Beauvais (Reino de Francia)
Datos persoais
País de nacionalidade	Reino de Francia
Relixión	Igrexa católica
Actividade
Campo de traballo	Filosofía
Ocupación	pedagogo , zoólogo , naturalista , escritor , filósofo , encyclopedist (en)
Lingua	Lingua latina e lingua francesa
Orde relixiosa	Orde dos Predicadores
Obra
Obras destacables Speculum Maius Speculum vel imago mundi (en) (1249) De eruditione filiorum nobilium (en) (1263) De morali principis institutione (en) (século XIII) Liber de laudibus Johannis Evangelistae (en) (século XIII) Liber gratiae (en) (século XIII) Expositio in orationem dominicam (en) (século XIII) Liber de laudibus beatae Virginis (en) (século XIII) Tractatus de poenitentia (en) (século XIII) Liber de sancta Trinitate (en) (século XIII) Speculum Historiale (en) (século XIII) Tractatus in salutatione beatae Virginis Mariae ab angelo facta (en) (século XIII) Speculum Doctrinale (en) (século XIII) Memoriale temporum (en) (século XIII) Speculum naturale (en) (século XIII) Sermons (en)

Traxectoria

Ignórase practicamente todo sobre a súa vida, incluíndo as datas exactas do seu nacemento e da súa morte. Conxecturas sitúano primeiro na casa dos dominicos de París entre 1215 e 1220, e posteriormente no mosteiro dominico de Beauvais en Picardía, fundado por Lois IX de Francia. Con todo, é máis seguro que ocupase o posto de "lector" no mosteiro de Royaumont en Oise (na localidade actual de Asnières-sur-Oise), non lonxe de París, fundado igualmente por Lois IX entre 1228 e 1235. O rei lía libros compilados por Vincent, e daba os fondos para conseguir copias dos autores que lle pedisen. A raíña Margarita, o seu fillo Felipe e o seu xenro, Teobaldo V de Champaña (Teobaldo II de Navarra), son nomeados entre os que lle encargaban a composición dos seus "pequenos traballos", especialmente De Institutione Principum.

Aínda que Vincent puido ser convocado a Royaumont mesmo antes de 1240, non hai proba de que el vivise alí antes do retorno de Lois IX e a súa esposa de Terra Santa, ao principio do verán de 1254. Pero é evidente que de Beauvais debeu escribir o seu traballo De Eruditione Filiorum Nobilium(1246) (onde se nomea a si mesmo como "Vincentius Belvacensis, de ordine praedicatorum, qualiscumque lector in mosteiro de Regali Monte"). Despois desta data e antes de 1260, a data aproximada da súa Tractatus Consolatorius ocasionado pola morte dun dos fillos do rei ese ano.

A obra máis importante de Vincent de Beauvais foi Speculum Majus (Espello Maior), unha gran compilación dos coñecementos da Idade Media. Está formada por tres partes: Speculum Naturale (Espello Natural, formado por 32 libros), o Speculum Doctrinale (Espello Doctrinal, formado por 17 libros) e o Speculum Historiale (Espello Histórico, formado por 31 libros). Estas obras foron reeditadas numerosas veces até o Renacemento.

Miniatura de Vincent de Beauvais nun manuscrito do Speculum Historiale, traducido ao Francés por Jean de Vignay, Bruxes, c. 1478-1480, British Library Royal 14 E. i, vol. 1, f. 3

Outras obras

Outras obras de Vincent de Beauvais son:

• De eruditione filiorum regalium, sobre a educación dos príncipes.
• Tractatus consolatorius de morte amici, letra dirixida ao rei despois da morte dun dos seus fillos en 1260.

O tratado sobre a formación dos fillos dos nobres é o tratado pedagóxico sistematizado máis importante da Idade Media.

Tamén lle foi atribuída a autoría do Speculum Humanae Salvationis.

Véxase tamén

Outros artigos

• Speculum Majus
• Speculum Humanae Salvationis
• Enciclopedia
• Pedagoxía
• Idade Media

Bibliografía

• Beauvais, Vicente de (2006). Epístola consolatoria por la muerte de un amigo. Biblioteca de Autores Cristianos. ISBN 978-84-7914-202-5. 
• Bibliografía completa en Arlima (Arquives de littérature du Moyen Âge)

Ligazóns externas

• Obras de Vicent de Beauvais na colección do duque de Calabria no Somni:
  • Speculum Historiale. XI-XVI. Nápoles, anterior a 1481
  • Speculum Historiale. XVII-XXI. Nápoles, anterior a 1481
  • Speculum Historiale. XXVI-XXIX. Nápoles, anterior a 1481