Gavà

Gavà é un municipio e cidade do sur da comarca do Baix Llobregat, provincia de Barcelona, na comunidade autónoma de Cataluña, España.

Gavà

Localización
41°18′26″N 2°00′14″L
Estado	España
Comunidade autónoma	Cataluña
Provincia	provincia de Barcelona
Ámbito funcional territorial	Ámbito metropolitano de Barcelona
Comarca	Baix Llobregat
Capital	Sant Feliu de Llobregat
Poboación
Poboación	47.593 (2023) (1.547,24 hab./km²)
Número de fogares	37 (1553)
Lingua oficial	lingua catalá
Xeografía
Parte de	Mancomunitat Municipal Can Sellarès
Superficie	30,76 km²
Bañado por	Mar Mediterráneo
Altitude	9 m
Comparte fronteira con	Sant Climent de Llobregat Sitges Castelldefels Viladecans Begues
Organización política
• Alcaldesa	Gemma Badia Cequier (en) (2023–)
Identificador descritivo
Código postal	08850
Fuso horario	UTC+01:00
Código INE	08089
Código territorial IDESCAT	080898
Outro
Irmandado con	Olocau
Páxina web	gavaciutat.cat

Gavà debe o seu nome, segundo a versión máis estendida, a Gavius, o fundador dunha vila romana que ocupaba parte do que agora é o núcleo antigo da cidade.

Xeografía

Praia na zona costeira do municipio

Gavà ten un termo privilexiado, integrado por unha zona de praia, unha zona forestal e un centro urbano. Ten unha fronte marítima de 4 quilómetros de lonxitude (cunha pineda e un sistema dunar), o Parque Natural do Garraf e un centro urbano que acolle unhas minas prehistóricas e diversos edificios históricos.

Gavà está situada a poucos quilómetros de Barcelona e do aeroporto. Ocupa un territorio de 30,90 quilómetros, onde viven máis de 45.000 habitantes, que se estende desde as praias meridionais do Delta do Llobregat ata a serra de Ponent, últimos contrafuertes do macizo do Garraf.

A cidade de Gavà (9 metros de altitude) está na chaira, baixo a serra de Les Ferreres (134 m). Limita a levante cos termos de Sant Climent de Llobregat e Viladecans (pola rúa de Riera de Sant Llorenç), a poñente co de Castelldefels e Sitges, así como co de Begues ao norte.

Demografía

Evolución demográfica

1900	1930	1950	1970	1981	2000	2008
1.825	5.054	6.860	24.213	33.456	39.220	45.190

Economía

A súa economía principal é a de servizos, seguida da industria. Aínda mantén actividade agrícola na zona denominada de Les Sorres, que se reflicte cada ano na Feira do Espárrago de Gavà, produto da terra de gran calidade.

Lugares de interese

• Minas prehistóricas
• Ruínas do castelo de Eramprunyà
• Ermida de Sant Miquel
• Ermida de Bruguers

Ermida do castelo de Eramprunyà

Véxase tamén

Ligazóns externas

• Sitio web oficial do concello (en catalán)
• Información da Generalitat de Catalunya (en catalán)
• Información do Institut d'Estadística de Catalunya (en catalán)
• El Portal de Gavà (en catalán)