Aulo Cornelio Celso
Aulo Cornelio Celso (en latín: Aulus Cornelius Celsus) nado no ano -25 e finado no ano 50, foi un enciclopedista romano e posibelmente un médico. É coñecido pola súa obra De Medicina, que se cre que é a única sección sobrevivente dunha enciclopedia meirande. De Medicina trata sobre dieta, farmacia, cirurxía e outros eidos relacionados, e é un dos mellores exemplos no que se refire a coñecemento médico na Roma antiga. As partes perdidas da enciclopedia probabelmente incluían volumes sobre agricultura, dereito, retórica e tácticas militares. Tamén contribuíu á clasificación de doenzas dermatolóxicas humanas.[1]
  | |
| Nome orixinal | (la) A. Cornelius Celsus |
|---|---|
| Biografía | |
| Nacemento | 25 a. C. valor descoñecido |
| Morte | c. 50 (73/74 anos) valor descoñecido |
| Datos persoais | |
| País de nacionalidade | Roma Antiga |
| Actividade | |
| Campo de traballo | Filosofía |
| Ocupación | médico , escritor |
| Período de tempo | Imperio Romano |
| Período de actividade | (Con vida en: século I ) |
| Lingua | Lingua latina |
 | |
Traxectoria
editarNon se coñece nada da súa vida. O seu propio nome é motivo de debate, xa que foi chamado tanto Aurelio como Aulo, sendo o segundo o máis plausíbel.[2] Algunhas expresións que emprega en De Medicina suxiren que viviu durante o mandato de Octavio Augusto e Tiberio.[3] Non se sabe con certeza onde viviu.
Notas
editar- ↑ Rosenthal, T (1961). "Aulus Cornelius Celsus - his contributions to Dermatology". Arch Dermatol 84. pp. 613–618. doi:10.1001/archderm.1961.01580160077013.
- ↑ "Tradicionalmente foi chamado Aurelio, pero Aurelio é un nome familiar non un nome propio; mentres que Aulo é un nome propio común entre os Cornelios e ten apoio manuscrito." - The McGraw-Hill encyclopedia of world biography, (1973), páxina 448.
- ↑ Celsus, De Medicina, praef.; iii. 4
Wikimedia Commons ten máis contidos multimedia na categoría: Aulo Cornelio Celso  |