Heinrich Wilhelm Matthäus Olbers
Heinrich Wilhelm Matthäus Olbers | |||
|---|---|---|---|
 | |||
| |||
| Vida | |||
| Nacimientu | Hemelingen[1], 11 d'ochobre de 1758[2] | ||
| Nacionalidá |
 Bremen | ||
| Muerte | Estáu de Bremen[3], 2 de marzu de 1840[2] (81 años) | ||
| Sepultura | Bremen | ||
| Familia | |||
| Padre | Johann Georg Olbers | ||
| Fíos/es | |||
| Hermanos/es | Theodor Olbers | ||
| Estudios | |||
| Estudios |
Athenaeum (en)  Universidá de Göttingen (1777 - : medicina | ||
| Llingües falaes | alemán | ||
| Oficiu | físicu, astrónomu, médicu, políticu | ||
| Llugares de trabayu | París | ||
| Trabayos destacaos | paradoxa d'Olbers | ||
| Premios | |||
| Miembru de |
Academia de Ciencias Útiles (es) Royal Society Real Academia de les Ciencies de Suecia Academia de les Ciencies de Baviera Academia de les Artes y les Ciencies d'Estaos Xuníos Academia Francesa de les Ciencies Academia Prusiana de les Ciencies Real Academia d'Artes y Ciencies de los Países Baxos Academia Alemana de les Ciencies Naturales Leopoldina Accademia Nazionale delle Scienze detta dei XL Académie Nationale de Médecine (es) | ||
 | |||
Heinrich Wilhelm Matthäus Olbers ñació n'Arbergen, cerca de Brema, el 11 d'ochobre de 1758 y morrió en Brema, el 2 de marzu de 1840 foi un astrónomu, físicu y médicu alemán, principalmente conocíu pola paradoxa d'Olbers.
Estudió medicina en Göttingen. Tres graduase en 1780, entamó a prauticar la medicina en Brema, trabayu que continuó realizando hasta 1823. Peles nueches, dedicaba'l so tiempu a l'astronomía, observando'l cielu nocherniegu dende'l pisu cimeru de la so casa, que tenía habilitáu como observatoriu.
En 1797 descubrió un métodu pa determinar les órbites de los cometes qu'entá s'emplega anguaño. En 1802 llocalizó l'asteroide 1 Ceres, que descubriera, y darréu perdiera, Giuseppe Piazzi l'añu anterior. Alcontrólu na posición predicha pol gran matemáticu Carl Friedrich Gauss.
El 28 de marzu de 1802 descubrió y bautizó'l segundu asteroide 2 Palas. Camentó que los dos cuerpos habíen tar rellacionaos y púnxose a guetar más. El 29 de marzu de 1807 descubrió 4 Vesta y dexó que fuere Gauss quien-y punxera nome. Formuló la hipótesis de que los asteroides yeren cachos d'un antiguu planeta qu'españó. Anguaño, esta teoría nun se considera demasiao probable.
El 1811 hipotetiza que la cola de los cometes taba formada por partícules espulsaes del nucleu por dalguna clas de fuercia y que la cola había tar siempres na direición opuesta al Sol. Anguaño, sabese qu'esto ye asina debíu a la presión de radiación de la lluz solar, un efeutu qu'entá nun se conocía.
El 6 de marzu de 1815 descubrió un cometa periódicu bautizáu n'honor de so (formalmente designáu 13P/Olbers). En total, descubrió 5 cometes y calculó la órbita de 18.
En 1826 plantegó la famosa paradoxa (denomada paradoxa d'Olbers n'honor de so) onde s'entruga: «¿Por qué'l cielu nocherniegu ye escuru si esisten infinites estrelles qu'habríen d'illuminalu como si fuere de día?» Anguaño, ye posible dar una rempuesta razonada a esta entruga en términos de los valores finitos de la velocidá de la lluz y la edá del Universu y del desplazamientu haza'l roxu de la radiación del Big Bang.
Foron bautizaos n'honor de so:
- L'asteroide 1002 Olbersia.
- El cráter Olbers na Lluna.
Referencies
- ↑ Afirmao en: Allgemeine Deutsche Biographie. Autor: dellos autores. Editorial: Duncker & Humblot. Llingua de la obra o nome: alemán. Data d'espublización: 1875.
- ↑ 2,0 2,1 Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Gran Enciclopedia Soviética (1969–1978). Sección, versículu o párrafu: Ольберс Генрих Вильгельм. Data de consulta: 28 setiembre 2015. Editorial: Большая Российская энциклопедия. Llingua de la obra o nome: rusu. Data d'espublización: 1969.
- ↑ «List of Fellows of the Royal Society1660 – 2007». Consultáu'l 10 ochobre 2017.
- ↑ «Members of the American Academy of Arts & Sciences: 1780-2012». Consultáu'l 10 ochobre 2017.
Enllaces esternos
Wikimedia Commons acueye conteníu multimedia sobre Heinrich Wilhelm Matthäus Olbers.
| Control d'autoridaes |
|
|---|
Datos: Q75828- Multimedia: Heinrich Wilhelm Olbers