Vergrootglas
'n Vergrootglas is 'n konvekse lens wat gebruik word om 'n vergrote beeld van 'n voorwerp te produseer. Die lens word gewoonlik in 'n raam met 'n handvatsel gemonteer. 'n Vergrootglas kan gebruik word om lig te fokus, soos om die son se straling te konsentreer om 'n warm plek by die brandpunt te skep om 'n vuur te begin.
'n Bladvergroter bestaan uit baie baie smal konsentriese ringvormige lense, sodanig dat die kombinasie as 'n enkele lens optree, maar baie dunner is. Hierdie reëling staan bekend as 'n Fresnel-lens.
Die vergrootglas is 'n ikoon van speurfiksie, veral dié van Sherlock Holmes.
