Mauritio
| Mauritio | |||
|
|
|||
|
|||
| Hymno: Motherland | |||
 
|
|||
| Nomine native | République de Maurice | ||
|---|---|---|---|
| Classe | stato soveran[*], stato insular, archipelagic state[*], pais | ||
| Pais | Mauritio | ||
| Capital | Port Louis | ||
| Population | 1 264 613 | ||
| Area | 2 040 km²  |
||
| Coordinatas | 20°12'S, 57°30'E | ||
| Linguas official | sin valor, anglese, francese | ||
| Fuso horari | UTC+04:00[*], Indian/Mauritius[*] | ||
| Codice telephonic | +230 | ||
| Valuta | Mauritian rupee[*] | ||
| Dominio de Internet | .mu[*] | ||
| ISO 3166-1 alpha-2 | MU | ||
| ISO 3166-1 alpha-3 | MUS | ||
| ISO 3166-1 numeric | 480 | ||
| Codice IOC | MRI | ||
| Geonames ID | 934292 | ||
| Sito web: http://www.govmu.org/ | |||
 |
|||
| Wikimedia Commons Category Mauritius | |||
Mauritio[1] (Maurice, Mauritius) es un republica insular in le Oceano Indian, situate al est de Madagascar e del Reunion. Illo include un parte del archipelago del Mascarenas: un grande insula (le insula de Mauritio, 1 865 km²), Rodrigues (109 km²) e multe parve insulas (Agalega 26 km², Saint-Brandon 1.3 km²). Mauritio reclama anque le insulas Chagos, actualmente usate como un base militari anglo-american.
Historia
[modificar | modificar fonte]Non habitate al momento de su prime colonisation europee in 1505, Mauritio es celebre pro le dodo, ave incapabile de volar, que esseva endemic al insula ma deveniva extincte gratias al venition excessive. Post le advenimento del nederlandeses in 1598, Mauritio recipeva un unde de colonisation que includeva multe sclavos malgache e african continental. De 1715 a 1810, Mauritio esseva un colonia francese. Sub le nomine de Insula de Francia, Mauritio esseva le fulcro del ambitiones francese in le Indias Oriental e deveniva un base naval de prime importantia. Le cultivation de canna de sucro cresceva anque. Post 1810, Mauritio passava sub le domination britannic. On aboliva sclavitude in 1835, ma introduceva un nove unde de hilotas indian pro laborar le agros a canna; lor descendentes constitue ora 68% del population mauritian.
Population
[modificar | modificar fonte]Le population de Mauritio reflecte su historia diverse. Un lingua creol a base lexic francese es le lingua commun del mauritianos; le francese es le lingua vehicular preferite del majorite (verso 73% de mauritianos son francophone plen o partial[2]). In mesme tempore, le anglese es le lingua administrative e legal, e le systema legal e parlamentari de Mauritio es principalmente britannic. Indo-mauritianos forma le grande majoritate del population, ma «creolos» (personas de descendentia african e mixte) son un minoritate importante. Sino-mauritianos (3%) e franco-mauritianos (2%) ha un forte implantation in le vita economic.
Religiones
[modificar | modificar fonte]Mauritio es le tertie pais del mundo per proportion de population hindu, post Nepal e India. Christianitate, islam e buddhismo son le altere religiones ben implantate in le pais.
Politica
[modificar | modificar fonte]Independente depois 1968, Mauritio deveniva un republica in 1992. Su systema politic pluralista, democratic e stabile valeva le prime placia pro bon governamento in Africa secundo le Indice Ibrahim.[3] De plus, Mauritio es un del statos le plus prospere e disveloppate in Africa. Mauritio es un stato membro del Organisation International del Francophonia, del Commonwealth de Nationes, del Union African, del ONU, e de altere organisationes international.
Economia
[modificar | modificar fonte]Le production de sucro continua esser un sector economic principal, ma tourismo, servicios e industria cresce in importantia. Le motto del republica, Stella Clavisque Maris Indici, refere al beltate non minus que al importantia strategic del insula de Mauritio.
Cocina
[modificar | modificar fonte]Le cocina mauritian se caracterisa per su fusion de influentias indian, francese e african. Le stilo de musica caracteristic de Mauritio es séga.
Personas celebre
[modificar | modificar fonte]J. M. G. Le Clézio, le prime laureato de un Premio Nobel mauritian, es un autor a nationalitates francese e mauritian.
Galeria
[modificar | modificar fonte]-
Photographia aerial del insula de Mauritio
Referentias
[modificar fonte]- ↑ Derivation: Entitates: 1. (it) Mauritius || 2. (es) Mauricio || (pt) Maurícia || 3. (fr) Maurice (pays) || 4. (en) Mauritius || Controlo: (de) Mauritius || (ru) Маврикий || - (Extra): (la) Mauritia
- ↑ La Francophonie dans le Monde 2006-2007. Nathan, Paris, 2007, p. 17; accessibile hic Archived 2011-01-10 at the Wayback Machine (francese)
- ↑ Le "top 10" son Mauritio, Capo Verde, le Seychelles, Botswana, Africa del Sud, Namibia, Ghana, Tunisia, Lesotho, e São Tomé e Príncipe. Mo Ibrahim Foundation. Mo Ibrahim Foundation. Recuperate le 2010-08-06. (anglese)
| ||||||||||||||||
