Սովորել է Ամստերդամի Գեղարվեստի ակադեմիայում (1892-1897)։ Ապրել է Փարիզում (1909-1914 և 1919-1938), Լոնդոնում (1938-1940), Նյու Յորքում (1940-ից)։ Հոլանդացի նկարիչների և ճարտարապետների «Ստիլ» խմբավորման հիմնադիրներից է (1917, Լեյդեն)։ Կրել է կուբիզմի ազդեցությունը։ Նեոպլատոնականության ոգով «ունիվերսալ ներդաշնակության» ձգտումը արտահայտվել է Մոնդրիանի 1917 թվականից հետո ստեղծած, այսպես կոչված, նեոպլաստիցիստական (աբստրակտ արվեստի առաջին տարատեսակներից) երկարներում, որոնք սպեկտրի հիմնական գույներով, ինչպես նաև սպիտակով (հաճախ գերակշռող), սևով և մոխրագույնով երանգավորված, փոխուղղահայաց եզրագծերով բաժանված տարբեր ուղղանկյուն մարմինների խիստ հավասարակշռված զուգորդումներ են («Կոմպոզիցիա կարմիրով, դեղինով և կապույտով», 1921 թ., Քաղաքային թանգարան, Հաագա, «Կոմպոզիցիա», 1922 թ., Քաղաքային թանգարան, Ամստերդամ)։
Дейхер, Сюзанна. Пит Мондриан (1872-1944). Конструкции в пространстве. — АРТ-Родник. — 96 с. — ISBN 978-5-9794-0026-6
A. Boelke-Heinrichs, A. Czock, J. Dilling, B. Esser, A. Feise 100 художников ХХ века / Редактор Е.В. Белиоглов. — Челябинск: Урал LTD, 1999. — С. 112-113. — 210 с. — ISBN 5-8029-0037-7
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 701)։