Machende

Jende datira kana dati - machende (muruzhinji), masvada. inhengo yemurume inowanikwa pasi pemboro pakati pemakumbo yakarembera. Machende anongogara ari maviri; vamwe vatauri vanoti matsukwe.

Machende ndiwo anogadzira hurume. Kana pasina machende munhu kana mhuka haikwanise kuberekesa.

Machende ndiwo aya anonzi muchirungu ma testicles; uye maari ndimo munogadzirwa mbeu yehubaba, unonzi uronyo kana kuti maronyo, kudzimwe nzvimbo vanoti urete. Machende anozivikanwawo nezita rekuti makandi asi vamwe vanowanzomati matomatisi kana kuti mabhora. Murume umwe neumwe unenge ane machende maviri, asi kune varume vashoma vane jende rimwe.

Machende anogadzirawo chidenhi chinonzi testosterone chinodenha kuyaruka kwemukomana kuti ave nechimiro chemurume.

Svada (scrotum) zvinoreva chihomwe chinoonekwa kunze chinotakura nhengo iyoyi yehurume.

Kana jende risiri muhutano, rakurisa zvisina tsarukano rinonzi Jendekufa (Hydrocele) jende guru kudaro rinorapwa naana chiremba kuchipatara nekubisa humvura hunenge hwazara mu masvada. Kana ukaita rimwe hombe kamwe kari kadiki unonzi une jendekufa zvakare. Adolf Hitler aiva naro jendekufa.

Mitauro yeBantu

• VaGwere vanoti kibeere (n. scrotum) vachireva chihomwe chakatakura machende.
• VaDigo vanoti chende kana ngoko (n. testicle; scrotum).
• VaMaconde vanoti chitoko, litoko kana matoko, vitoko pakuwanda (n. testis) vachireva machende.
• Kimbundu vanoti mbanga (n. a testicle) kreva jende. VaKongo vanoti Madungu kureva machende.

• 
  Uso hwe jende
• 
  Mucheko we jende
• 
  Jende rerudyi rakachekwa kuratidza mukati.

..