MENA
Su faeddu MENA bolet narrere Middle East and North Africa (Oriente Mediu e Africa de su Nord) e narat su matessi cuntzetu de Oriente Mediu Mannu. Est una peraula chi a s'ispissu si impreat in academia e in sos ambientes militares e de s'economia.
Sa regione MENA ch'andat dae su Marocco a s'Iran e bi cumprendet sa prus parte de sos istados mediorentales e de su Maghreb. Sa populatzione sua diat a essere, a su mancu, de unos 381 miliones de persones, est a narrere su 6% de sa populatzione peri totu su mundu; s'istimatzione massima la bolet a unos 523 miliones.