Ной
Ной (ивр. נח) диэн Улуу халаан иннинээҕи онус бүтэһик аҕа баһылык. Адам уолун Сет удьуора. Энох хос сиэнэ, Матыһаал сиэнэ, Ламех уола. Ной кырдьыксыт олоҕун иһин Таҥара кинини уонна дьиэ кэргэнин халаантан быыһаабыт. Таҥара Нойга Хоппо тут диэн дьаһаллаабыт. Бу хоппоҕо Ной дьонун уонна хас биирдии харамай атыырыттан-тыhытыттан ылбыт. Халаан бүппүтүн кэннэ хоппо Арарат хайатыгар иҥнибит. Манна Ной Таҥараҕа кэрэх бэлэхтэрин биэрбит. Таҥара Ной ууһун алҕаабыт уонна Ыйааҕын биэрбит. Бу курдук Ной дьон-аймах ууһун салҕааччыта буолар.