Գարամ մասալա
Գարամ մասալա (հինդի՝ गरम मसाला, garam («տաք») և մասալա («խառնուրդ») բառերից), հյուսիսային Հնդկաստանի և մի շարք հարավասիական երկրների խոհանոցներում կիրառվող համեմունքների խառնուրդ[1]։ Օգտագործվում է ինչպես ինքնուրույն, այնպես էլ այլ համեմունքների համադրությամբ։ «Գարամ» բառը ունի «տաքացնող մարմին» նշանակություն, քանի որ համեմունքները, որոնք մտնում են խառնուրդի մեջ, այուրվեդայական բժշկության մեջ համարվում են մարդու մարմնի ջերմաստիճանը բարձրացնող։
Բաղադրություն
[խմբագրել | խմբագրել կոդը]
Գարամ մասալայի բաղադրությունը տարբերվում է ըստ շրջանների։ Այս և այլ համեմունքների տարբեր համադրություններ օգտագործվում են տարբեր բաղադրատոմսերում[1] և այդ բաղադրատոմսերից և ոչ մեկը չի համարվում առավել ստույգ, քան մյուսը[2]։ Խառնուրդի բաղադրիչները բովվում և խառնում են իրար։
Գարամ մասալայի հիմնական տարբերակն իր մեջ ներառում է.
- սև և սպիտակ պղպեղներ,
- մեխակ,
- բալաբարի տերևներ (մալաբարական դարչին)
- մշկընկույզի տերևներ
- կումինի սև և սպիտակ սերմեր
- դարչին
- հիլի սև և կանաչ պատիճներ
- մշկընկույզ
- բադիան (աստղակերպ անիսոն)
- գինձի սերմեր։
Որոշ բաղադրատոմսերում պահանջվում է համեմունքները խառնել խոտաբույսերի հետ, իսկ մյուսներում որպես հիմք օգտագործվում են ջուր, քացախ, կոկոսի կաթ կամ այլ հեղուկներ, որպեսզի դառնա մածուկ։ Մի քանի այլ բաղադրատոմսերում կարող են ավելացվել ընկույզ, սոխ կամ սխտոր, նաև տապակում են[1]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 Rama Rau, Santha (1969-06). The Cooking of India (Foods of the World). USA: Time Life Education. ISBN 978-0809400690.
- ↑ Khana Khazana