Belle Époque
A Belle Époque (en francés "Época Bela") foi un período da historia de Europa occidental. Adóitase datar entre a fin da Guerra franco-prusiana en 1871 e o comezo da primeira guerra mundial en 1914. Coincidindo coa Terceira República Francesa (comezos de 1870), foi un período caracterizado polo optimismo, a paz rexional, a prosperidade económica e as innovacións tecnolóxicas, científicas e culturais. Tamén foi unha boa época para as artes, especialmente en París. Moitas obras mestras da literatura, a música, o teatro e as artes visuais gañaron recoñecemento. A Belle Époque foi nomeada así cando comezou a ser considerada como unha idade de ouro en contraste cos horrores da primeira guerra mundial.
Nos Estados Unidos de América, emerxentes dende o Pánico de 1873, viviuse unha época semellante que foi denominada como a Gilded Age.[1] No Reino Unido, a Belle Époque coincidiu coa Época Vitoriana e a Era eduardiana.
Notas
[editar | editar a fonte]- ↑ O termo americano "Gilded Age" foi empregado por Mark Twain e Charles Dudley Warner no seu libro, The Gilded Age: A Tale of Today (1873).
Véxase tamén
[editar | editar a fonte] |
Wikimedia Commons ten máis contidos multimedia na categoría: Belle Époque  |
Ligazóns externas
[editar | editar a fonte]- A Belle Époque en Europa (en inglés) (en alemán) (en francés)
