伊阿珀托斯

伊阿珀托斯（古希腊语：Ἰαπετός，字面意思“穿刺者”）希腊神话里提坦神之一。

搭别样提坦一样，伊阿珀托斯是地母盖娅搭天神乌拉诺斯养个儿子。 渠搭家主婆（一般认为是克吕墨涅）养著四个第二代提坦神，侪受到宙斯个惩罚：

1. 阿特拉斯，反抗宙斯后受刑；
2. 墨诺提俄斯，参加提坦之战后受刑；
3. 普罗米修斯，多趟挑衅宙斯后受刑；
4. 厄庇米修斯，接受著宙斯个“礼物”潘多拉，两者成为顶早个男女、人类个祖先。

有人鉴于赫西俄德《神谱》几代神祇侪是三个三个一组搭著柏拉图《会饮》讲老里八早个人类有得四手四脚两隻面孔咾啥，认为普罗米修斯搭厄庇米修斯是一体两面。个咾古代交关作者侪话普罗米修斯搭潘多拉是洪水幸存人类个爷孃，赫西俄德《列女传》也话潘多拉是普罗米修斯拉家主婆。