Hepatitis B

Hepatitis B panèka panyakèt atèh sè èsebbhut virus hepatitis B, sè bisa aghâbây radang atèh akut otabâ kronis sè è dâlem jumlah sè cè' èndâ'na bisa abâli dâddhi sirosis atè otabâ kanker atèh. Virus panèka ta' èpanèbar lèbât kakanan otabâ kontak biasah, namon bisa èpanèbar lèbât dârâ otabâ cairan bhâdân orèng sè èinfeksi. bhâjik bisa èinfeksi dâri ebhuna è bâkto proses alahiraghi. Virus panèka bisa nyebbâlaghhi lèbât aktivitas sèks,[2] aghâdhui jarum sè èulang-ulang, bân transfusi dârâ kalabân virus è dâlemma.

Èmolaèna panyakèt panèka èkennal mènangka "hepatitis serum" bân ampon dhâddhi wabah è bâgiyân Asia bân Afrika.Hepatitis B ampon dhâddhi endemik è Cina bân pan-bârâmpan nâghârâ Asia.

Infeksi polana hepatitis B bisa ècegghâ kalabân cara vaksinasi, èngghi panèka sontekan èghâbây kaangghuy aghâbây bhâdhân kebal dâ' infeksi virus. Èsaranaghi kaangghuy kabbhi orèng narèma tello' vaksinasi (0, 1 bulân bân 6 bulân) kaangghuy aberri' perlindungan sè beccè' dâri virus panèka. Namong, vaksinasi namong aberri' perlindungan maksimal sekitar 90 persen, bân ta' samporna èlangè rèsiko infeksi.

Bâdâ orèng sè èinfeksi virus panèka bisa ghâncang ngatase virus panèka. Namong, kabânnya'an orèng sè èinfeksi pagghun andi' virus è dâlem badanna saomorra, kalabân sakone' otabâ tadâ' gejala. è pan-bârâmpan orèng, infeksi bisa aghâbây ate sè para' rosak, sè aghâbây ate gagal. Gejala umum gagal atè panèka jaundis, èngghi panèka kolè' bân mata pasien dhâddhi konèng polana èpaèla'aghi bilirubin ka bânnya' organ laènna sè kodhu ènetralisasi sareng atè. Masalah laènna panèka hepatitis B bisa aghâbây kanker atè.

Tes dârâ bisah nemmoaghi tandha-tandha karosakan ateh. Manabi orèng sè sake' andi' tandha-tandha panèka, pangobatan hepatitis B bisah nyegghâ karosakan ateh sè èsebbhut virus. Obât antivirus èghâbây kaangghuy nyegghâ virus ta' èpabânnya'. Namong, manabi virus maso', ta' bisa èpaèlang sacara sampornah.