ვლტავა
| ვლტავა | |
|---|---|
 | |
| ქვეყანა |
 ჩეხეთი |
| ქალაქები |
პრაღა ჩესკე-ბუდეიოვიცე. |
| სათავე |
შუმავა 48°51′33″ ჩ. გ. 13°53′37″ ა. გ. / 48.85917° ჩ. გ. 13.89361° ა. გ. |
| სიგრძე | 430 კმ |
| აუზის ფართობი | 28 090 კმ² |
 ვლტავა ვიკისაწყობში | |
ვლტავა (ჩეხ. Vltava, გერმ. Moldau, პოლ. Wełtawa) — მდინარე ჩეხეთში. მდინარე ელბის მარცხენა შენაკადი. სიგრძე 430 კმ, აუზის ფართობი 28 090 კმ². სათავეს იღებს შუმავის მთებში. მიედინება ბუდეიოვიცეს ვაკეზე, შემდეგ — შუა ჩეხეთის მაღლობზე. გაზაფხულზე იცის წყალდიდობა, ზაფხულში წყალმარჩხია. ჩეხეთის რესპუბლიკის უგრძესი მდინარეა. მასზე 18 ხიდია აგებული, რომელთაგან აღსანიშნავია ისტორიული კარლის ხიდი. ჩეხეთის დედაქალაქი — ქალაქი პრაღა გაშენებულია მდინარე ვლტავის ნაპირზე. 1950-იან წლებში მდინარეზე ააშენეს რამდენიმე კაშხალი. უდიდესია ლიპნოს კაშხალი შუმავაში. სანაოსნოა შესართავიდან ქალაქ შტეხოვიცემდე (84 კმ). ზემო დინებაში იყენებენ ხე-ტყის დასაცურებლად. ძველი არხით შეერთებულია მდინარე დიდ მიულთან (დუნაის შენაკადი ავსტრიაში).
ვლტავას ნაპირებზე მდებარეობს ორი ქალაქი: პრაღა და ჩესკე-ბუდეიოვიცე.
რესურსები ინტერნეტში
[რედაქტირება | წყაროს რედაქტირება]
შეგიძლიათ იხილოთ მედიაფაილები თემაზე „ვლტავა“ ვიკისაწყობში.- ვლტავა – ენციკლოპედია ბრიტანკა (ინგლისური)
- დიდი საბჭოთა ენციკლოპედია[მკვდარი ბმული] (რუსული)