Fraude

Non confundir con Engano.

Unha fraude é unha acción ilícita na que unha persoa ou organización engana adrede a outra co obxectivo obter algún tipo de beneficio, normalmente económicco. Nela o enganado termina prexudicado. Este termo tamén é usado para referirse a algo de mala calidade. Algúns tipos de fraudes son ilegais, nese caso son chamados fraudes de lei.

Algúns tipos de fraude

Publicidade enganosa

Exemplo simulado de publicidade enganosa. O produto di:" Verdadeiramente asombroso! Funciona en minutos! Garantido!"

Véxase tamén: Publicidade subliminar.

A publicidade enganosa convence ao que a ve de que o seu produto é máis resistente, cómodo, útil, etc. do que é na realidade.

Corrupción

Índice de corrupción no mundo. As cores máis vermellas indican máis corrupción. Pódese observar que España é un dos países máis corruptos da Unión Europea.

Artigo principal: Corrupción.

A corrupción consiste nun abuso de poder para conseguir diñeiro ilegalmente en prexuízo doutros. Os prexudicados son o resto de persoas da organización ou país. Esta acción ten pena de prisión segundo o código penal.

Falsificación

Artigo principal: Falsificación.

A falsificación consiste en facer unha réplica barata dun obxecto xeralmente de gran valor e vendelo facendo crer que é o orixinal, aínda que nalgúns casos cómpranse estas réplicas sabendo que son falsas e cun prezo máis baixo ca o do obxecto orixinal para presumir.

Diferenza con "engano"

Un engano refírese a unha mentira, polo que non ten que afectar ao enganado nin ten que estar relacionado con motivos económiccos.