Brazo
Para outras páxinas con títulos homónimos véxase: Brazo (homónimos).
| Brazo | |
|---|---|
 | |
| Brazo humano feminino. | |
 | |
| Sección transversal a través da metade da parte superior do brazo. | |
| Latín | brachium |
Na anatomía humana, o brazo é o segundo segmento do membro superior, entre a cintura escapular (que o fixa ao tronco) e o antebrazo.
Definicións
[editar | editar a fonte]Na linguaxe popular, o termo brazo úsase como sinónimo da extremidade superior ou membro superior do ser humano.[1]
No entanto, en anatomía, chámase brazo á porción proximal[2] do membro superior,[3] formada polo úmero, que articula, no ombro, coa escápula (ou omoplata) e, no cóbado, coa ulna e o radio, que forman o antebrazo.
Brazo en anatomía
[editar | editar a fonte]Músculos
[editar | editar a fonte]O brazo posúe catro músculos que se encontran no mesmo compartimento fascial que, no tórax, cobre o deltoide e o pectoral maior:
- O músculo coracobraquial, que liga o úmero á apófise coracoide da omoplata, no ombro;
- O músculo braquial anterior, que fai a ligazón co cúbito, no cóbado;
- O bíceps braquial, gran músculo da parte anterior do brazo que ten ese nome por posuír dúas cabezas (ou partes iniciais), unha ligando igualmente á apófise coracoide e a outra á cavidade glenoide da omoplata; e
- O tríceps braquial, o músculo da parte posterior do brazo, que ten ese nome por posuír tres cabezas; é responsábel do movemento lonxitudinal do cóbado.
Dos lados do bíceps existen dúas concavidades, na interna das cales se encontra a arteria braquial e o nervio medio do brazo.
Imaxes
[editar | editar a fonte]-
Músculos frontais superficiais do brazo. -
Músculos frontais profundos do brazo. -
Músculos posteriores do brazo.
