Coordenadas geográficas

Las coordenás geográficas son un sistema de referência que permiti que ca sitiu ena Tierra seya espresáu porun conxuntu de númberus, letras u signus. Las coordenás s’escolven, en general, de manera que duna parti, dos referentis representin la posición horizontal i una tercera que representi la altori. Las coordenás de posisión horizontal usás son la latitú i longitú, un sistema de coordenás angularis esféricas u esferoidis cuyu centru es el centru dela Tierra i suelin espresal-si en grauh sesaxsimales.

Estória

La inventancia dun sistema de coordenás geográficas s'atribuyi, en xeneral, a Eratósthenes de Cirene, que compusu lasu obra ogañu perdía Geografía na Bibliotequi d'Alixandría nel sieglu III a. C. Un sieglu más tardi, Hiparcu de Nicea amejoró esti sistema determinandu la latitú a partil de midías estelaris en ves dela altori solar i la longitú por mó dela midía delus eclipsis lunaris, en ves de por navegación a estima. Nel sieglu I o II, Marín de Tiro compiló un estensu gazeteru i dibujó matemáticamenti un mapamundi usandu coordenás midías dende un meridianu primeru nel territoriu más ocidental conocíu, conocíu como las Islas Afortunás, al oesti d'África ocidental, alreol delas islas Canarias u de Cabu Verdi, i midíu al norti u sul dela isla de Rodas, ena Asia Menor. Tolomeu lu acreditó con la adopción completa dela longitú i la latitú, en ves de midí la latitú en términus dela llargaria del día nel solsticiu de veranu.

La Geografía de Tolomeu del sieglu II usó el mesmu meridianu primeru, inque midía la latitú dendi l’Equador. Endispués de que los sus trabajus s’tradujon al árabi nel sieglu IX, el libru d’Al-Juarismi Libru de la Descripción dela Tierra corrigió los erroris de Marín i Tolomeu sobri la llargaria del Mar Mediterráneu, lo cual hizu que la cartografía árabi medieval usara un meridianu primeru alreol de 10° al esti dela rayade Tolomeu. La cartografía matemática se retomó en Uropa tras la recuperación del textu de Tolomeu por Maximu Planudes un poquinu enantis del 1300; esti textu se traduju al llatín en Florência por Jacopu d’Ánxelu alreol del 1407.

En 1884, los Estaus Uníus hizun la Conferencia Internacional del Meridianu, a la cual asistierun representantis de vinticincu nacionis. Ventidós d’ellas acordaron adotal la longitú del Real Observatoriu de Greenwich, Ingalaterra, como la llinia de referencia ceru. La Repúbrica Dominicana votó en contra, mientris que Francia i Brasil s'abstuvun. Francia adoptó el Tiempu Mediu de Greenwich en ves de las determinacionis localis del Observatoriu de París nel 1911.