Tanpoi kimiko

Tanpoi kimiko edo sistema indargetzailea disoluzio baten pHa egonkor mantentzen duen substantzia edo disoluzioa da, hots, pHaren aldaketak neutralizatzen dituena. Eskuarki, sistema indargetzaileak azido ahul batek eta bere base konjugatuak osatzen dute, edota base ahulak bere azido konjugatuarekin.

Sistema indargetzaileak zeregin oso garrantzitsua burutzen dute izaki bizidunengan, zelulen eta barne-inguruaren pHaren aldaketak ekiditen dituztelako, ondorio oso larriak izan litezkenak organismoarentzat.

Tanpoi kimikoen jarduera-mekanismoa

Gure organismoan jarduten duten tanpoi garrantzitsuena azido karbonikoak (H₂CO₃) -azido ahula- eta bere base konjugatua bikarbonatoak (HCO₃-) osatzen dutena da. Odolean dago.

Sistema oreka honetan dago:

CO₂ + H₂O $\rightleftharpoons \,\!$ H₂CO₃ $\rightleftharpoons \,\!$ HCO₃- + H+

Inguruan azidotasuna sortzen bada (H+ gehiago), gehiegizko H+-ari elkartzen zaio HCO₃-; horrek H₂CO₃ sortzen du, segituan CO₂-tan eta H₂O-tan deskonposatzen dena (erreakzioa ezkerreruntz zuzentzen da) (CO₂ eta H₂O arnasketaren bidez kanporatzen dira).

Beraz, zelularen pHa egonkor mantentzeko (7,4) azidosi dagoenean goiko oreka kimikoa ezkerrerantz mugitzen da (CO₂ eta H₂O sortzeko). Alderantzizko kasuan, aldiz, erreakzioa eskuinerantz doa (ingurugiroa alkalinoa bihurtzen denean).

Kanpo estekak

• Datuak: Q208465
• Multimedia: Buffers (chemical) / Q208465