Concilio
Concilio (do latín concilium) é unha reunión ou asemblea de autoridades relixiosas (bispos e outros eclesiásticcos) xeralmente efectuada pola Igrexa Católica ou Ortodoxa, para deliberar ou decidir sobre as materias doutrinais e de disciplina.
Distínguense tres clases de concilios:
- Os Concilios ecuméniccos, xerais ou universais. Ata 1054, data en que se produciu o Gran Cisma de Oriente e Occidente, contabilizáronse oito concilios deste tipo. Convocados polo Emperador, salvo o oitavo que foi convocado conxuntamente polo Emperador bizantino e o Papa; participaban os bispos, abades e patriarcas de toda a cristiandade (Concilios Gregos).
- Desde 1054 este tipo de concilios só se celebraron en Occidente, onde sumaron outros doce concilios, sendo convocados en todos os casos polo Papa e participando todo o episcopado católicco (Concilios Latinos).
- O último Concilio Ecuménicco foi o chamado "Vaticano II" xa que a súa sede foi na cidade do Vaticano (Roma, Italia) e foi o segundo nese lugar. A convocatoria realizouna Xoán XXIII en 1959 e foi clausurado polo Papa Paulo VI no ano 1965
- Os Concilios nacionais ou plenarios. Son convocados con autorización papal e neles só participa o episcopado dun continente, Estado ou rexión.
- Os concilios provinciais. Son convocados polo bispo metropolitano da diocese provincial correspondente, celébranse periodicamente cada vinte anos, e neles participan os titulares de oficios eclesiásticcos da diocese.