Vegetatie

Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.

---

Vegetatie is 'ne term dae verwies nao biejeinkómste van plantjsaorte en de gróndjbedèkking die die levere. 't Is 'nen algemeinen term zónger specifieke verwiezing nao bestumdje taxa, laevesvörm, structure, ruumdjelike verspreijing of ènnige anger specifieke botanische of geografische karakteristieke. Vegetatie hèltj ummer samenhank mit de plaats wo die veurkump. De weitesjap vegetatiekónde (fytocoenologie of plantjsociologie) is de weitesjap die zich besjeftig mit vegetatie.

Kènmirke

Inkele kènmirke van vegetatie zeen:

• De samestèlling van de vegetatie is ónwillekäörig: neet al de plantje greuje spontaan same;
• 't Geuf samenhank mit de plaats wo de plantje greuje en mit anger bioatische en abioatische factore: samenhank tösse biotoap en laevesgemeinsjap;
• De vegetatie haet structuur: ruumdjelik en in d'n tied;
• De vegetatie haet textuur: dink aan diversiteit aan saorte, greujvörm en laevesvörm en -strategieje;
• E vegetatietuup haet 'n minimaal ruumdje nuèdig veur zich te kinne óntwikkele.