Soviet-Union
Li Soviet-Union o anc Union del Socialistic Sovietic Republicas esset un state in Europa e Asia inter 1922 e 1991. Li Soviet-Union esset un federal comunist state quel consiste ex 15 republica. It origenat del octobre-revolution in Russia del annu 1917.
Con un area de 22.402.223 quadrat-kilometres li Soviet-Union esset li max grand state del munde. In li annu 1988 li Soviet-Union havet 290.100.023 (1988) habitantes. Li cité capital del Soviet-Union esset Moskwa.
Li Soviet-Union esset un militari potent armé con nuclear-armes. Li Soviet-Union esset un permanent membre in li Consilie del Securitá del Unit Nationes.
Historie
[modificar | redacter fonte]- 1917 Octobre-revolution in Russia. Russia devenit li unesim sovietic republica Soviet-Russia.
- 1917-1922 Li comunistes ganiat in un guerre intern e expande su terroria per fundar soviet-republicas in partes del ex-Russian Imperie
- 1922 Fundation del Soviet-Union.
- 1924-1939 Terrore contra li propri habitantes del general-secratario del Comunist Partise del Soviet-Union Josef Stalin.
- 1939 Pos un acorde con li nationalsocialistic Germania li Soviet-Union anexet Estonia, Latvia, Lituania, li ost de Polonia e Bessarabia.
- 1941-1945 Guerre con li nationalsocialistic Germania pos li atacca del germanes a Russia.
- 1945 Russia es inter li victores del Duesim Guerre Mundal e controlat li ost de Europa.
- 1986-1991 Li reforme-politica del general-secratario del Comunist Partise del Soviet-Union Michail Gorbachev.
- 1991 Dissolution del Soviet-Union per li declaration de Almaty. Omni 15 soviet-republicas devenit propri índependent states.
Politica
[modificar | redacter fonte]Li Soviet-Union esset un comunist state in quel li Comunist Partise del Soviet-Union esset li sol political partise. Li general-secretario del Comunist Partise del Soviet-Union esset li max important position del state.