El Poblenou

El Poblenou

Localización
41°23′57″N 2°12′14″L
Estado	España
Comunidade autónoma	Cataluña
Provincia	provincia de Barcelona
Ámbito funcional territorial	Ámbito metropolitano de Barcelona
Comarca	Barcelonès
Concello	Barcelona
Distritos (pt)	Sant Martí
Poboación
Poboación	34.411 (2021) (22.272,49 hab./km²)
Xeografía
Superficie	154,5 ha

El Poblenou é un dos dez barrios que forman o distrito de Sant Martí da cidade de Barcelona. O barrio está limitado entre as rúas Pere IV e a avenida Diagonal polo oeste, a rúa Bac de Roda ao norte, o Paseo Taulat, a rúa Taulat e a avenida Icària polo leste, e a rúa Àvila ao sur. O seu eixo cívico principal e máis popular é a Rambla del Poblenou.

A orixe está nun dos núcleos habitados de Sant Martí de Provençals, que creceu pronto en industria e habitantes. A finais do século XIX chegou a ser a área con máis concentración industrial de Cataluña.

Os límites actuais estableceunos en 2006 a división administrativa en barrios de Barcelona, que recortou a extensión tradicional e creou novos barrios, hoxe adxacentes, co topónimo "Poblenou" no nome: El Parc i la Llacuna del Poblenou, La Vila Olímpica del Poblenou, Diagonal Mar i el Front Marítim del Poblenou, i Provençals del Poblenou.

Actualmente é unha zona en constante transformación, onde se sitúa o distrito tecnolóxico de Barcelona, o 22@, convivindo as fachadas de antigas fábricas e unha vida veciñal que intenta conservar o espírito familiar e popular tradicional.

Galería de imaxes

• 
  Vista da Rúa Pere IV co hotel Habitat Sky de fondo.
• 
  Edificio modernista na Rambla del Poblenou.

Véxase tamén

Ligazóns exterrnas

• El Poblenou, na web do Concello de Barcelona (en castelán)
• Asociación de veciños do Poblenou (en catalán)
• Portal de actualidade do barrio Arquivado 07 de xullo de 2013 en Wayback Machine. (en catalán)